Eskarmentu handiko profesional talde sendo bat ari da lanean egunero jatetxean, bertara hurbiltzen diren guztien zentzumenak pizteko. Hona taldeko kide batzuk: Ismael Alvarez, Urko Mugartegi, Stefania Giordano eta Jon Abad jangelan; Adrian Leonelli, sukaldeburua Marc Mañosa eta Javier del Blancorekin.

Nerua osatzen duen taldeak toki nabarmen batean kokatu nahi du jatetxea, tokiko, estatuko eta nazioarteko gastronomiaren erreferentzia gisa. Gure lanean, funtsezkoa da Euskadiko kultura gastronomiko aberatsa goi mailako sukaldaritzaren zirkuituan sartzea, baina ezin dugu ahaztu gure zerbitzuaren ardatza: bezeroak esperientzia gastronomiko ahaztezin bat bizitzea.